قصتي مع الحب bboymoooh

انا واحد عمرو 17 واسمو bboymoooh نقرا فالليسي لقديم معاود عام نقرا بوروميار

نسكن في ضار نورمال عايلة نورمال حياتي نورمال حبيت نحكيلكم هدي لحكاية وان شاء الله تعجبكم

هدي لحكاية صراتلي ليا بالضبط وهيا حقيقة مئة بالمئة وروح سقسي لي يعرفوني يقولولك

الحكاية بتبدأ من حوالى 3شهور.

كنت مريح فالبالكون مع يما (ماما ) المهم جا وحد الكاميو كبير (شاحنة ) المهم فيه قش ودوزان وحبس قدام دارنا

المهم نزلو وبداو يفرغو فالماتريال والكانابيات والزرابا وكلشي كيسان فناجل هههههه

المهم فهمت بلي هدو عايلة جديدة جاو يسكنو مقابلينا فالكارتي (الحومة)

جاز النهار الاول فاليوم التاني جات العائلة انا كنت حاسبهم عرسان جداد بالصح ضهرت عايلة

فيها زوج دكورا وطفلة الطفلة هدي هيا لبروبلام

المهم كنت قاعد مع يما (ماما) فالبالكون خرجت ام الطفلة هديك لقانتي مريحين قالتلها صباح الخير ........................................................... تعارفو

المهم من بعد امها عيطت على بنتها واسمها كان راااااااااااااااااااائع - اريج -

كنت نستنا فيها تطل المهم وطلت لقمر الباهية الزينة ليس لها وصف حب يقول هباااااال مليحة بزاف

المهم دخلت يما بقيت وحدي فالبالكون ودخلت امها بقيت انا نشوف معاها وما قدرتش نحي عينيا منها

هيا شافت معايا ما دارت والو جرات دخلت للضار

المهم عداو الايام وانا ياك شفتو البرد تاع الشتا وانا فالبالكون نستنا فيها تطل لمطر النو التلج البرد

وموح يستني في اريج وهيا بقات منين تشوفني فالبالكون تخرج وتدخل تجري

عداو يامات هكا ومن بعد جاء وحد اليوم انا كنت نستنا فيها فالبالكون وهيا خرجت وطولت وبقات تتبسم معايا وتضحك

وانا الدنيا ما عباتنيش مت من الفرحة ما تصوروش القمر هدا كل يضحك معايا ملييييييييييييييييح

المهم غدا وانا راجع من الليسي ونشوف يما وامها وهيا معاهم رحت نجري لحقتهم قلتلها واشراك يما (ماما)

زدت سلمت على امها وشراك خالتي دهبية وش حوالك ................

وهيا الاخيرة الزوينة تاع الكرتي الباهية تاع الحومة قلتلها صبح الخير اريج وش حوالك

وهيا قامت بفعل لم اكن انتظرة مدت يدها المهم تصافحنا قالتلي وش حوالك ...........................

حكمتها من يدها مشينا شوية انا وهيا وحدنا ما هضرتش معاها خلاص غير نشوف معاها وونتبسم وهيا حشمانة مني

ومن بعد عبيتها في يدي ومشيت بيها شوي وقلتلها شحال عمرك اريج

قالتي 3 سنوات بستها من خدها وانا فرحااااااااااااااااااان ميت صغيرة تهبل قماطة وما تعرفش تهضر مليح

ومن تما ولينا اصدقاء ودرتها زي ختي الصغيرة ومنين نلقاها برا نلعب معاها ونشريلها الحلوة والقوفريط والشينقوم والكابريس

والجي ودانون ..............................................ههههههههههههههههههههههههههههههههههه

واش عجبتكم موح الكميكاز هههههههههههههه

تضحك بصح وين تسكن

قسنطينة عوينة الفول فالدخلة منين الدوزيام بولونجي

وانتا من لقرارم ؟؟

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
والله راك أقتلتيني بضحك هههههه هدي كاع فعمرها 3 سنين هههههههههه والله أنت تكعر

والله لعبتهانا صح

مووووووووووح أنا قريت لحكاية في منتدى واحد خلاف
بصح ما فهمتش كيفاش عوينة الفول فيها ليسي قديم؟؟؟؟؟؟؟؟؟؟؟؟؟؟؟؟؟

ههههههههههههههههههههههههههههههههه نجوز فالوقت

[

الحرقة لروما ولا القعدة فالحومة

malade monatada ta3 baze
deja anta ta3 gaufrit w kus danone

malade monatada ta3 baze
deja anta ta3 gaufrit w kus danone

ههههههههههههههههههههههههههههههههه هدى كامل انا في بالي هدي طفلة الي هبلتك نتاع 15 ماشي 3 سنين مليح هههههههههههههههههههههههههههههههههههههههههه